Editorial web
Xiringase nun ye una factoría de páxines: ye una reaición dixital. Estructuramos cada proyeutu como un reportaxe y cada edición como una esbilla rigorosa de lo que merez ser publicao. Trabayamos dende Asturies, habitando la nuesa llingua y diseñando conteníu d'alta fidelidá, fechu pa ser lleíu por humanos y entendíu por intelixencies.
Aprendizaxe
Un proyeutu de Xiringase
Portal de baldre pa deprender asturianu: práutica y preparación de les certificaciones oficiales A2, B2 y C1 de la Conseyería d'Educación del Principáu d'Asturies. Ensin rastrexadores.
Visita'l portal → Ver reportaxe
Música tradicional
Un proyeutu de Xiringase
La web de Tever, gaiteru asturianu, investigador y docente: música tradicional, etnomusicoloxía y enseñu de la gaita, con I+D al rodiu del patrimoniu asturianu.
Visita la web → Ver reportaxe
Fanzine satíricu
Un proyeutu de Xiringase
Fanzine cómicu, satíricu y punk, escritu al completu n'asturianu: antagonista popular de la prensa institucional, con humor que pega siempres escontra riba. Sostenimientu por print-on-demand y donativos.
Visita'l fanzine → Ver reportaxeSobre
Xiringase ye una raíz editorial y cultural. Naz pa recoyer, editar y compartir lo que se fai na nuesa tierra y na nuesa llingua.
Nun queremos ser una corporación, sinón una revista de la casa: cabecera, númberu, firmes. Cada proyeutu ye un reportaxe; cada edición, una esbilla fecha con calma. Lo que cuntamos, cúntase con procuru y ensin priesa.
L'asturianu ye'l centru, non l'adornu. Ye la llingua dende la que pensamos y escribimos, viva y de güei, non una pieza de muséu. D'equí parte tolo demás; a otres llingües se traduz, pero ensin perdela de vista.
Lo que vien d'equí va p'afuera ensin perder el calter. Diseñamos pa durar: testos que merezan quedar y formes que nun caduquen col mes. Editar ye escoyer; y nós escoyemos quedar.
Contautu
¿Tienes un proyeutu, una idea o quies collaborar? La redaición ta abierta.
